Tofu Landeira é esencia galega, unha mestura de tradición e innovación que dá como resultado un produto único que aposta pola revalorización do rural.

Unha revalorización que ten como principal obxectivo servir de alimento á terra e ás persoas. Todo iso sen esquecer a sustentabilidade como factor diferencial.

O progresivo aumento do interese por unha alimentación saudable e o consumo de proteínas de orixe vexetal levounos a crear Tofu Landeira como alternativa ás proteínas animais. É un produto elaborado a base de soia ecolóxica, que cultivamos nós mesmos, tendo así un ciclo pechado.