Unha empresa familiar situada en San Clemente, Caldas de Reis, dedicada á agricultura, plantando e cultivando produtos da horta seleccionados, sempre da forma máis natural e menos agresiva e nociva para a terra e a contorna.

Son defensores do produto local e, sobre todo, do consumo de tempada. O seu principal mercado, case único, son chefs e tendas gourmet e pretenden ser o referente en produtos agrícolas frescos e diferentes, desde o quilómetro cero na contorna das Rías Baixas.

O coidado das súas plantacións fan que os seus produtos gocen dunhas calidades organolépticas únicas, o cal é garantía para os seus clientes, que esixen o máximo nivel de persistencia na calidade do produto que se lles srive.

O seu paso polo programa permitiulle crear un plan de márketing, para poder dar un paso máis na súa estratexia de crecemento.