Programas anteriores
Nesta sección preséntanse algúns dos proxectos
que participaron nas edicións anteriores do programa.
CienPorCel-Porco Celta
CienPorCel é unha pequena explotación de Porco Celta en extensivo que comezou pechando o ciclo de maneira externa, na actualidade elaboran eles mesmos os embutidos que comercializan.
A súa liña de embutidos baséase en produtos elaborados de maneira artesanal pero innovadores e diferentes do que se atopaba no mercado cunha presentación moi coidada.
Para complementar a súa actividade, realizan visitas guiadas á súa explotación para achegar ao público fano.
“Tiñamos claro que queriamos dedicarnos profesionalmente ao proxecto de Cien por Cel e vimos neste Programa de Apoio unha oportunidade para darlle continuidade e vivir desta empresa”
Zumiño
Zumiño é un proxecto agroalimentario do Baixo Miño, Galicia, dedicado ao cultivo ecolóxico e a produción de zume natural de mazá.
Nacido en 2015, xorde para revalorizar as terras agrícolas abandonadas da comarca e dinamizar un sector primario pouco profesionalizado.
O proxecto céntrase en crear zumes naturais, sen aditivos nin engadidos, como alternativa saudable e sostible ás bebidas convencionais. Elaborados con materias primas frescas e seleccionadas, os seus zumes prensados en frío destacan polas súas calidades organolépticas e a súa achega nutritiva.
Con máis de 10.000 maceiras de 20 variedades galegas e asturianas cultivados a beiras do río Miño, Zumiño captura o aroma e sabor únicos do microclima do val da Roseira.
Horta Eco
Horta destinada á produción en ecolóxico onde se cultivan froitas, verduras e hortalizas de forma sostible e respectuosa co medio ambiente.
Apostan pola calidade, o sabor auténtico e un compromiso real coa agricultura ecolóxica.
O Prego
Proxecto de cría de bueyes de raza Minhota, criados unicamente en pastos, con recursos da propia explotación. Para conseguilo emprégase un sistema de pastoreo rotacional e complementado cos propios excedentes de herba.
Os bueyes son animais moi rústicos e de manexo moi fácil que permiten unha rotación permanente polas 30 leiras dispoñibles na espectacular contorna do lago de As Encrobas.
O proxecto complétase cun espazo de degustación e formación sobre a carne, onde tanto cociñeiros como profesionais do sector cárnico poden coñecer o proceso de crianza, o produto e as súas variedades e os distintos produtos transformados que se elaboran a partir das súas carnes, cos que se aproveitan partes da canle que tradicionalmente se refugaban.
Ecoespazo O Rexo
Agrogandera leva 20 anos de actividade desde que se comezou a traballar co primeiro rabaño de ovellas latxas en Galicia elaborando queixo curado de ovella co leite da propia gandería.
Este proxecto pioneiro ten ademais os obxectivos de crear un exemplo repilicable dun proxecto que recupere e xestione territorio agrario en abandono, fixar poboación rural creando emprego e sexa rendible economicamente.
CETAB Baroña
A Comunidade de Montes de Baroña desenvolve unha ampla variedade de activides nas súas máis de 875 hectáreas de terreos veciñais. Máis aló da explotación da madeira, a cría de distintos tipos de gando, como o vacún, caprino ou cabalar, facían necesario crear un espazo de traballo no que elaborar os seus produtos. A partir do proxecto de desenvolver produtos de carne de poldro, ponse en marcha este proxecto que pretende ser o primeiro para a transformación doutras carnes e mesmo doutros produtos froito do monte como os froitos secos ou os cogomelos.
O proxecto consiste en desenvolver a proposta de valor para que o obradoiro sexa rendible, elaborando produtos como embutidos, onde as distintas variedades de chourizos son as estrelas. Produtos que teñen a súa demanda tanto entre o público local como os numerosos turistas que visitan a zona.