Formación e mentorización especializada
para empresas e
emprendedores
do sector agroalimentario
Lanzamos o GreenHub Verín-Monteval, un itinerario territorial específico para concellos da zona.
Converte a túa idea nun negocio real e competitivo
+140 PROXECTOS
EN 14 ANOS
Dirixido por
expertos no sector
áreas clave
Historias de éxito
O 92% dos proxectos implantados seguen co
negocio máis de 3 anos despois
"O programa permitiunos conocer outros proxectos cos cales compartir inquedanzas e experiencias que nos axudaron e mellorar moito o noso proxecto"
SmartWood (José Luis)
"Un gran desafío! Foron capaces de facernos difuminar o caos no que estabamos envoltos, mostrándonos a nosa realidade e o noso horizonte"
Terras da Mariña (Pepe)
"A nós axudounos a ver cales eran os nosos puntos débiles como empresa, e a correxilos para intentar conseguir o máximo beneficio co noso traballo"
Horta Baldaio (Pablo)
"O programa da Fundación aportoume asentamento, empezou a poñerme os pés na terra. Axudoume a enfocar a idea na realidade e a levala a práctica"
Castro Serantes (Adrián)
"Ensináronme o valor e a importancia de crear unha marca con valores. Galo Celta naceu no programa da Fundación Juana de Vega e son parte do noso éxito"
Galo Celta (David Sueiro)
"Formación, axuda e acompañamento nun programa intenso levado adiante da man dun equipo inspirador."
TrasDezaNatur (María José)
Modalidade Crecemento – 11ª edición (2022)
“Iluminaron o caos interno, mostrándonos a realidade e o horizonte.”
Pepe Cuadrado
Xerente de Terras da Mariña
Modalidad Emprendemento – 1ª edición (2012)
“Foi o punto de arranque para montar unha empresa de software que agora está en nove mercados internacionais.”
Maruxa Quiroga
CEO de TasteLab
Modalidade Emprendemento – 1ª edición (2012)
“Ensináronme a importancia de crear unha marca con valores. Son parte do noso éxito.”
David Sueiro
Fundador de Galo Celta
Modalidade Emprendemento – 10ª edición (2021)
“Formación, axuda e acompañamento nun programa intenso levado adiante da man dun equipo inspirador.”
María José Tallón
Fundadora TrasDeza Natur
XI Edición
Raquel Biskaia
Obxectivo:
Recoñecer os pasos que estás a facer e que necesitas facer, que podes facer e onde podes chegar, recoñecer o valor do traballo detrás cada produto
Punto de partida:
Non lle daba o xusto valor ao traballo, ao coñecemento, ao tempo e á calidade detrás dos produtos que realiza (como fai a maioría dos agros)
Situación actual:
Aprendeu a valorar o tempo, os coñecementos e o tamaño de obra detrás dos produtos que realiza.
Tamén puiden aprender a cuantificar os custos do seu traballo/ obra.
Porto do Corgo
Obxectivo:
Empezar e afrontar todo o proceso de emprendemento con confianza
Punto de partida:
Non tiñan ningunha experiencia de emprendemento, por iso apoiáronse co programa da Fundación: en todos momentos puideron contar con asesores tanto de márketing, como financeiros e de estudo de mercado.
Situación actual:
Deixaron o medo de perseguir os seus soños, viñeron aquí de Baleares e agora teñen unha actividade de transformación de castaña en fariña
Horta de Teodoro
Obxectivo:
Alcanzar o obxectivo de recuperación dunha “variedade” de porco galego, o porco silleiro
Punto de partida:
Sabían onde querían ir, pero non moi ben para onde tiñan que ir
Situación actual:
Aprenderon a estruturar as diferentes fases: coa profesionalidade da Fundación puideron diminuír os riscos e aumentar as posibilidades de éxito do seu proxecto
Terras dá Mariña
Obxectivo:
Mellora da parte de márketing e comunicación
Punto de partida:
Era unha empresa xa constituída, pero á que lle facía falta un plan de márketing; unha estrutura e organización na parte de márketing e comunicación.
Carecía dun enfoque estruturado que permitise alcanzar un maior alcance e posicionamento no mercado
Situación actual:
Despois de darse conta e analizado o que estaban a facer mal, Terras dá Mariña logrou un avance significativo na súa estratexia de márketing e comunicación. Desenvolveron un plan sólido que lles permitiu fortalecer a súa imaxe de marca e mellorar a conexión co seu público obxectivo.
Cítricos Rías Baixas
Obxectivo:
Mellora na parte económica: marcar unha liña de negocio e ter claro todo o que constitúe a parte económica de empresa
Punto de partida:
Comezou como unha afección. Inicialmente realizábao de maneira informal, pero a Fundación axudoulle a desenvolver un plan económico-financeiro estruturado.
Situación actual:
Agora o seu emprendemento é unha empresa de referencia.
Ten claro os seus custos, as súas marxes, o posicionamento da empresa e todo o que se relaciona coa estrutura económico-financeira
Como se desenvolve
Desde que te lanzas á aventura ata que chegas á meta, guiámoste paso a
paso para que o teu proxecto non quede a medias (nin se afogue polo camiño)
(Xaneiro 2027)
A selección farase a través dun taller de ideas, no que cada emprendedor dedicará 10 horas a pensar e reflexionar sobre o seu modelo de negocio. Nesta fase seleccionarase a un máximo de 24 candidatos.
Durante o taller, os candidatos, co apoio de consultores expertos, focalizarán os elementos clave da súa idea e traballarán na estrutura do seu modelo de negocio (porque unha boa idea sen un plan, queda a medias).
Despois, todos os proxectos seleccionados pasarán por unha entrevista persoal. Ao final do proceso, escolleranse a un máximo de 6 proxectos para a modalidade de Emprendemento e 4 proxectos para a de Crecemento e Consolidación.
(Febreiro – xullo 2027)
Prazas
Seleccionaranse 6 ideas ou proxectos emprendedores, máis dous que quedarán en lista de reserva (por se acaso).
Contido
Nesta fase do programa, ofrecerase formación, titoría e asistencia técnica aos proxectos seleccionados para o seu desenvolvemento operativo. Constarán de sesións didácticas e titorías individuais (nelas afinaremos ben cada detalle).
Obxectivos
Este programa de formación ten como finalidade axudar aos emprendedores seleccionados a perfilar os seus proxectos dende unha perspectiva estratéxica. Traballaremos en definir o perfil competitivo e o posicionamento, escoller as mellores canles de comercialización, analizar as necesidades financeiras, e en definitiva, crear un plan sólido que permita definir a empresa ou proxecto e facilitar a súa entrada no mercado coas maiores garantías de éxito.
Estrutura
- Sesións didácticas (aprenderemos cousas novas e útiles).
- Titorías individuais (para afondar no teu proxecto).
- Avaliación final (para ver se estamos listos).
(Febreiro – xullo 2027)
Prazas
Seleccionaranse un máximo de 6 proxectos de Crecemento e Consolidación de empresas xa existentes, máis dous que quedarán en lista de reserva (por se hai baixas de última hora).
Contido
O programa ofrecerá un mentoring personalizado a través de titorías individualizadas para cada unha das empresas, co obxectivo de que alcancen as súas metas coas maiores garantías de éxito.
Obxectivos
Axudar ás empresas seleccionadas a perfilar os seus proxectos, definindo as súas necesidades estratéxicas e elaborando un plan detallado que lles permita acadar os obxectivos que se propoñan.
Estrutura
- Proxecto pechado (cando todo está claro e definido).
- Estudo de mercado (se precisas entender mellor o teu público).
- Acompañamento á dirección (para guiarte paso a paso).
(Setembro – Decembro 2027)
Destinatarios
Nesta fase só participarán os proxectos de emprendemento. De maneira excepcional, a Fundación, se o considera, poderá incorporar tamén proxectos da modalidade de Crecemento e Consolidación.
Contido
Esta fase consiste en titorías individuais de consultoría e apoio para a posta en marcha do proxecto empresarial. A asistencia técnica adaptarase ás necesidades e circunstancias particulares de cada proxecto, segundo o seu plan de implementación.
Obxectivos
O obxectivo desta fase é apoiar o emprendedor na implementación e saída ao mercado. Para iso, prestarase asistencia e apoio nas seguintes áreas:
- Financiamento.
- Creación de marca e packaging.
- Plan de acción comercial ou de marketing.
- Plan de redes, creación de sitio web ou tenda en liña.
- Operacións e especificación das tarefas da cadea de valor.
A Fundación poderá aprobar axudas nas distintas áreas que soliciten os emprendedores.
Duración e datas
As titorías ofreceranse, de acordo co plan establecido no último cuadrimestre do ano, cunha frecuencia quincenal e asistencia obrigatoria. Cada emprendedor terá un titor que o acompañará ao longo de todo o programa.
É unha xornada na que os empresarios e promotores seleccionados presentarán e defenderán publicamente os seus proxectos ante potenciais investidores, clientes, entidades financeiras e outros organismos públicos de promoción e apoio económico. Esta fase estrutúrase da seguinte maneira:
- Sesión teórica (para aprender a estruturar a presentación).
- Titorías de preparación das presentacións (para perfeccionar o discurso).
- Sesión de ensaio (porque practicar nunca está de máis).
- Xornada de presentación pública (o momento da verdade!).
A cousa funciona ou
polo menos iso din
Consideran que o programa axudoulles a ter unha mellor visión do seu negocio
Proxectos que finalizaron o programa foron implantados
de cada 10 emprendedores recomendan o programa
As partes mellor valoradas
Visión xeral da empresa
Definición de proposta de valor
Coñecemento do mercado
Estratexia de márketing
Estrutura de negocio
Exstratexia comercial
Requisitos para inscribirse no programa
Non che imos pedir a partida de nacemento, pero case
Se estás dándolle voltas á idea de poñer en marcha unha empresa ou consolidar a actual, podes participar no XV PROGRAMA DE APOIO A EMPRESAS AGROALIMENTARIAS. Con máis de 140 proxectos mentorizados desde 2011, o programa está pensado para proxectos nos sectores agroalimentario, forestal, marisqueiro, pesqueiro ou outros sectores como bioeconomía.
Tamén axudamos a proxectos tecnolóxicos ou de servizos que dean soporte ao sector agroalimentario.
Emprendemento
- Estás deseñando a túa idea e definindo o modelo de negocio (vamos, que aínda andas a argallar).
- Xa tes unha empresa, pero está a piques de arrancar (ou case-case).
- Queres continuar coa empresa da familia (para que non digan os avós que o seu traballo se perde).
- Tes un proxecto para aproveitar as terras ou activos rurais que están de vacacións forzadas. Iso si, terás que ser maior de idade, vivir en Galicia, saber algo do sector (aínda que sexa de oídas) e manexarte ben con Word, Excel e o navegador de internet (isto non é pedir moito, ¿non?).
Crecemento e consolidación
- Revisar e darlle unha volta á estratexia que tes (que sempre se pode mellorar, non si?).
- Realizar unha análise da contorna ou investigación comercial.
- Crear un bo plan de marketing.
- Desenvolver a túa presenza online e que se note.
- Revisar operacións e facer un mapa de valor.
- Ver de onde sacar financiamento ou mellorar a xestión económica.
- Tamén aceptamos propostas de mellora estratéxica que che axuden a avanzar.
Como escollemos aos afortunados
En cada unha das modalidades, seleccionamos as empresas ou emprendedores valorando tres cousas moi importantes, nada de sortear ao chou:
- O teu compromiso e implicación co proxecto (queremos ver que lle pos ganas, non vale quedar de brazos cruzados).
- A túa orientación ao mercado (que non sexa só unha idea bonita na cabeza, hai que saber vender!).
- O teu compromiso de poñer en valor os recursos do noso territorio (porque o noso está cheo de potencial e hai que aproveitalo, iso sempre!).
Todo o que precisas e máis!
Aproveita esta oportunidade única para impulsar o teu futuro sen custe ningún
adaptada ás túas
necesidades
especializados
decisións estratéxicas
en áreas claves do
negocio
riscos
IV PREMIO AO EMPRENDEMENTO AGROALIMENTARIO
A Fundación Juana de Vega, consciente das dificultades dos emprendedores para poñer en marcha o seu plan de negocio, amplía o seu apoio a través do PREMIO AO EMPRENDEMENTO AGROALIMENTARIO.
Este premio consistirá nun cheque que o gañador poderá utilizar para as sesións de apoio cos mentores designados por un período de cinco meses. O cheque equivale a un total de 30 horas de mentoring e apoio á empresa durante as primeiras fases de lanzamento.
Participantes do XV Programa de Apoio a Empresas Agroalimentarias, categoría de Emprendemento.
O xurado estará composto por mentores do programa, representantes do equipo da Fundación Juana de Vega ou outros profesionais de recoñecido prestixio que teñan relación co desenvolvemento do sector agroalimentario.
